BE.41 Logu no.153
LAS SITUTU ROHANGKU 40

Ayat 1
Parripe ni Tuhanta Sai hehe ma hamu Sai jangkon ma Rajanta Marroha na burju
Girgir ma hita be Marende di Ibana Manjouhon Hosianna Burju ma sasude

Ayat 2
Hamu na marsak roha Jonok do Raja i Na ro mangapul roha Ni nasa na tungki
Torop nuaeng tahe Inganan hasonangan i I ma partangiangan Ni na porsea i

Ayat 3
Hamu na so mararta Di hasiangan on Na mora do Rajanta Na ro tu hita on
SarihononNa do Saluhut na hasea Alai saluhut jea PabalionNa do

Ayat 4
Antong girgir ma hita Manomu raja i Mangungkap di Ibana Sandok rohanta i
Denggan tabaen nuaeng Dalanna tu rohanta Na naeng pasonangonNa Tiur ma i tabaen

Ayat 5
Godang do lehononNa Di hita sasude Sai naeng do bongotonna Nuaeng rohanta be
Tung ise hita on Manjua paluaon Manjua pasonangon Ni Raja i antong ?

Ayat 6
O Jesus sai bongoti Ma dohot rohangkon Asi rohaM ingani Ma tondingki tongtong
Patiur langkangki Lao tu banuaginjang ai naeng marsonangsonang Hupuji Ho disi
